艾力@mocasting
2005年10月12日
■ 居港日富商擬扮「紅彗星」馬沙升空
服左佢……太惡搞喇XD
居港日富商明年征空
12/10/2005
【綜合外電報道】當中國的神六飛船即將升空之際，俄羅斯航天局網站昨日透露，一名香港居住的日本科網業巨子，極可能在明年秋天成為國際太空站第一位自費亞洲旅客。他更表示考慮以高達系列中的美男子「紅彗星」馬沙少校的打扮升空。
日本共同社分析，這人是年僅三十四歲，但已富可敵國的科網投資家榎本大輔。他是日本科網公司「live door」的前任董事，曾留學美國，是當地科網界的傳奇人物。一九九六至九八年曾在港創立科網公司ext.net，後來返回日本發展，兩年前退休後據說一直住在香港。
擬扮「紅彗星」馬沙升空
榎本在個人網誌上表示正在為太空旅行準備，近半年來陸續刊載他在俄羅斯加加林太空中心的見聞。昨日還更新了有關的俄語、日語報道及榎本身穿航天服的相片，還有他在本月一日現場目睹第三名太空旅客奧爾森升空的報道。
形容自己是「高達狂」的榎本在六月曾透露，若得到俄羅斯航天局批准，他希望以「紅彗星」馬沙少校的打扮升空。目前他已把頭髮染成金色以配合馬沙的造型。若然成真，這將是人類在國際太空站上首次的角色扮演遊戲。今次太空之旅為期約一周，費用約一億五千五百萬港元。榎本稱花了這一大筆的零用錢後，就得好好賺回來。
Posted in: 新聞(?) |
按此回應 | 回應的RSS | 引用通告(1)| 
(0)
2005年10月11日
■ 拾月拾壹日
上網睇過下clannad主軸故事o既內容,好似比想像中複雜得多,加上好多人都唔想破壞遊戲性唔肯透露劇情,搞到依家一頭無緒,越黎越唔明個故事想講乜……
太過後知後覺喇,今日睇報紙先知柏斯琴行開倉,可以平d買樂器(我乜樂器都冇玩開,不過想考完AL之後學玩一種),原來聽日已經係最後一日,不過好彩地址係我屋企附近,諗住聽日放學去睇下……
Posted in: 日記 |
按此回應 | 回應的RSS | 暫時未有引用通告| (0)
Posted in: 隨心 |
按此回應 | 回應的RSS | 暫時未有引用通告| (0)
2005年10月10日
■ 拾月拾日
每次看到這個也覺得很有趣 
放假的兩天也是在攻略Clannad這款遊戲,本來是想玩古河渚的結局,可是在後期卻令故事變成以伊吹風子為核心,加上原來KFC還沒譯好古河渚的劇情,結果就先玩伊吹風子的結局,也想通了為何KFC叫這個版本做”星願”了……
再次敗給key社的作品了,遊戲的劇情果然相當煽情,就連平日自問毫不感性的我居然也在玩伊吹風子的結局時哭了(對上一次是玩AIR裏的AIR篇神尾觀鈴的真正結局).以下為風子篇的內容,不喜勿看.有興趣的請反白……
最初只認為風子是個只顧着雕木頭,對主角口不擇言又經常沈醉在自己幻想裏的怪人.後來發現她原來是個思念體,真正的她其實在兩年前的車禍後一直昏迷至今,風子一直把雕成的海星送給全校學生是希望他們可以出席姊姊公子的婚禮.到遊戲的後期不知為何越來越少人能夠看見或記起她,就連一直陪伴着她的主角等人也把她遺忘了……(bad ending)
風子雖然不能出席姊姊的婚禮,可是因為風子和主角一直以來的努力,使一直看不到風子思念體的公子也感覺到風子的存在.之後風子消失了,而且給全校所有人遺忘(包括主角等人及收過海星的人),可是她昏迷的事卻再次成為全校的焦點,過了一段時間後她真正的重返校園,並和主角等人重新建立友誼.(good ending)
相當感人的一幕
中段意想不到的惡搞……
Posted in: 電腦遊戲, ACG相關, 日記 |
按此回應 | 回應的RSS | 暫時未有引用通告| (0)
2005年10月09日
■ 拾月捌日
一有假放就好晏先醒,起身果陣已經11:30……真係哂時間
班入面最近好流行玩數獨,雖然我係暑假成日玩,不過呢兩日再玩居然連中級o既題目都破唔到……唔通近排智力又下降左? orz
數獨係幾好玩又考觀察力o既遊戲,最近坊間都推出唔少專係用黎玩數獨o既書籍,不過價錢普遍都幾十蚊本,又只係得幾十題,我就唔覺得抵買,其實網上早就有唔少數獨o既網站例如晴耕數獨,當中就已經包括幾百條由易到難o既題目,初學o既玩家仲可以用入面o既提示.有興趣玩o既朋友可點上述o既網站試下.
Posted in: 日記 |
按此回應 | 回應的RSS | 暫時未有引用通告| (0)
2005年10月08日
■ 拾月柒日
話說今日最尾果堂係兩個舊生(一個係某大國際集團o既CEO,另一個係科大o既博士研究生)對中六中七o既講座,,短短一個鐘內容有限,主要係講下佢地分析一下有關大學o既統計資料,社會大勢同佢地o既經歷.讀書心得只係略略講解一下,而且唔係d乜野新建議,只係話要識分配時間同有目標果d……講開有目標,其中一個師兄就話有d中三學生已經好有目標,決定話要入某某大學的某某系.相對起出年就要考AL,不過都仲係好漫無目的o既我真係要檢討下……不過有一點我好認同其中一個師兄o既觀點就係:
“依家俾多d時間讀書,就係為左第日有多d時間做自己想做o既野”
黎緊果4日假除左溫11月個期考測d野之外,仲想抽d時間黎睇下≪像藝術家一樣思考≫同≪像藝術家一樣反轉思考≫呢兩本書o既其中一本,兩本都買左好耐,不過冇正式學佢入面教o既方法畫畫.試下可唔可以係幾日之內令自己o既畫功大幅提升……(書中有唔少o既學生作品都係係短期內由幼稚園的塗鴉改進到接近畫家級o既素描,孰真孰假有待親身求証……)
Posted in: 日記 |
按此回應 | 回應的RSS | 暫時未有引用通告| (0)
2005年10月07日
■ 十月新番
介紹一下幾套10月新動畫
地獄少女
故事係講傳聞係午夜12點到”地獄通信”網站,就可以將仇人o既姓名填上,地獄少女就會幫你解決怨恨.
而今集o既(似乎係以每集為一獨立單元)主角橋本真由美因為忍受唔到俾同學黑田亞矢冤枉同多次欺凌,於是叫地獄少女幫手,以死後一定會落地獄o既代價同地獄少女-閻魔愛立契約,令黑田亞矢落地獄.
人性醜惡o既一面比地獄更要可怕……
舞乙HIME
除左兩個主角之外,雖然人物同上一輯差唔多係同一個陣容,但世界觀就幾乎同上一輯冇關係.乙HIME要得到”主人”許可先可以變身戰鬥,同HIME可以召喚自己o既子獸黎戰鬥就更加完全係兩回事……
灼眼のシャナ(灼眼的夏娜)
呢套故事似乎唔錯,而且戰鬥場面幾華麗.可惜太多專有名詞,要睇過原先會更加清楚內容.
今集講主角同原來已經死左,佢同好多俾怪物食左o既人一樣,存在o既只係一個暫時用黎維持世界平衡o既替身,所以シャナ話佢只係一件物件,而唔係一個真正o既人.
Posted in: 動畫與漫畫, ACG相關 |
按此回應 | 回應的RSS | 暫時未有引用通告| (0)