艾力@mocasting

■ 玖月拾陸日

今日同尋日一樣,成日上上下堂訓着左,都唔知呢排搞乜,精神唔太好,唔通我患左渴睡症?

搵到鋼之鍊金術師 - 香格里拉的征服者,不過係偷拍版…個畫面係咁閃,而且冇字幕睇唔明,都係乖乖地等DVD出好了.

人造人肥仔冇死到,仲變到更加似怪物…

愛德華鍊成o既炸彈

兩兄弟一齊用鍊成陣

另外,今日放學入左Princess Maker 4,遊戲o既目的係將舊情人個女(CV:水樹奈奈)養育成人,開頭玩落係有d難度,不過將$改多左之後就完全係屈機……

女兒10歲的樣子

3年後的樣子

■ 玖月拾伍日

你冇睇錯,一罐coke盛惠二十五大元,香港迪士尼真係開黎掠水架……

明明尋晚又唔係夜訓,今日都唔知搞乜鬼,上堂訓下醒下訓下醒下(直頭係會發夢)咁成二十次都有……

個人真係咁累咩?

■ 大劈炮 員工插爆迪士尼：遊客屙屎 ！

大 劈 炮 　 員 工 插 爆 迪 士 尼 ： 遊 客 屙 屎 ！
迪 士 尼 樂 園 開 幕 ， 舞 台 上 群 星 拱 照 ， 但 台 下 卻 有 一 個 個 淒 涼 故 事 。
這 個 全 球 最 細 的 迪 士 尼 樂 園 ， 除 有 人 滿 之 患 外 ， 最 大 鑊 是 預 計 每 日 近 萬 名 的 大 陸 遊 客 ， 將 迪 士 尼 樂 園 當 做 大 陸 遊 樂 場 ， 在 樂 園 內 隨 處 大 小 便 外 ， 亦 有 香 港 遊 客 因 排 隊 排 得 耐 ， 便 肆 意 指 罵 服 務 員 工 ， 有 女 職 員 更 被 罵 至 淚 流 滿 臉 ， 立 即 辭 職 。
據 迪 士 尼 樂 園 員 工 爆 料 ， 在 樂 園 開 幕 前 已 有 多 名 員 工 因 「 頂 唔 順 」 而 劈 炮 唔 撈 ， 當 中 包 括 機 動 遊 戲 操 作 員 、 售 貨 員 、 以 至 扮 卡 通 人 物 的 演 藝 人 員 ， 他 們 除 了 是 頂 唔 順 大 陸 遊 客 外 ， 亦 頂 唔 順 樂 園 刻 薄 員 工 ， 例 如 每 日 只 有 時 間 食 一 餐 、 工 作 時 不 准 飲 水 … … 可 說 是 對 人 歡 笑 背 人 垂 淚 。
內 憂 外 患 夾 攻
阿 Mic （ 化 名 ） 和 Mandy （ 化 名 ） 同 是 廿 四 歲 ， 今 年 初 到 美 國 迪 士 尼 世 界 實 習 後 回 港 ， 今 年 六 月 開 始 在 香 港 迪 士 尼 樂 園 擔 任 操 作 機 動 遊 戲 的 演 藝 人 員 ， 幾 乎 每 次 開 幕 前 的 總 綵 排 都 有 上 班 ， 但 身 邊 同 部 門 的 同 事 卻 愈 來 愈 少 ， 樂 園 開 幕 前 的 一 星 期 ， 已 有 五 個 同 事 遞 辭 職 信 。 阿 Mic 說 ︰ 「 香 港 迪 士 尼 可 以 話 充 滿 外 患 內 憂 ， 外 患 係 因 為 好 多 內 地 客 破 壞 樂 園 的 氣 氛 ； 內 患 係 高 層 刻 薄 員 工 ， 兩 樣 夾 埋 就 引 發 今 次 辭 職 潮 ！ 」 他 的 同 事 們 都 半 開 玩 笑 地 說 ： 「 不 如 我 去 參 加 『 獵 奇 行 動 』 。 」

外 患
1. 大 陸 客 屙 屎 玩 殘
阿 Mic 指 ， 試 玩 期 間 見 過 三 次 有 內 地 遊 客 ， 叫 小 朋 友 在 園 內 的 河 邊 大 、 小 便 ， 他 上 前 勸 該 小 朋 友 到 洗 手 間 ， 但 家 長 反 而 叫 小 朋 友 「 屙 快 」 ， 當 他 冇 到 ， 他 惟 有 叫 負 責 清 潔 的 同 事 善 後 。
「 在 其 他 國 家 的 迪 士 尼 ， 遊 客 都 會 自 然 投 入 童 話 世 界 ， 演 藝 人 員 說 笑 、 表 演 時 ， 遊 客 都 會 鼓 掌 示 意 ， 氣 氛 融 洽 ， 絕 對 不 會 發 生 這 種 事 ， 香 港 可 能 會 變 成 全 世 界 最 臭 的 迪 士 尼 。 」 阿 Mic 苦 笑 說 。

2. 被 粗 口 鬧 到 喊
「 早 前 總 綵 排 時 機 動 遊 戲 發 生 故 障 ， 受 過 訓 練 的 演 藝 人 員 對 遊 客 說 ： 『 巴 斯 光 年 突 然 唔 舒 服 ， 暫 時 休 息 一 陣 ， 稍 後 會 再 帶 大 家 飛 越 太 空 。 』 外 國 遊 客 通 常 會 保 持 開 心 ， 耐 心 等 候 ， 但 香 港 遊 客 則 破 口 大 罵 ： 『 你 講 咩 呀 ？ 係 咪 壞 機 呀 ？ 要 等 幾 耐 ？ 有 冇 搞 x 錯 ！ 』 員 工 即 時 冇 癮 。 而 經 過 幾 次 總 綵 排 之 後 ， 公 司 決 定 如 實 告 訴 客 人 壞 機 。 」
Mandy 指 樂 園 遊 戲 經 常 「 故 障 」 ， 大 部 分 原 因 是 遊 客 不 守 規 矩 所 致 ︰ 「 機 動 遊 戲 都 是 由 電 腦 program 自 動 循 環 控 制 ， 由 於 香 港 和 內 地 遊 客 好 多 時 都 在 上 車 時 停 留 拍 照 ， 結 果 令 program jam 了 ， 要 重 新 reset 。 」
其 他 崗 位 的 演 藝 人 員 亦 遇 到 難 堪 的 遭 遇 ， 阿 Mic 說 ︰ 「 因 為 樂 園 採 用 粵 語 、 英 語 和 普 通 話 三 種 語 言 ， 所 以 部 分 需 要 職 員 講 解 的 遊 樂 設 施 ， 會 安 排 遊 客 按 語 言 分 批 排 隊 ， 儲 夠 人 數 便 可 率 先 玩 。 但 有 位 香 港 遊 客 硬 要 排 人 數 較 少 的 外 國 人 隊 伍 ， 以 為 有 數 ， 豈 料 女 職 員 先 安 排 儲 夠 人 數 的 內 地 人 龍 先 玩 ， 結 果 被 那 個 香 港 人 指 鼻 子 用 粗 口 問 候 全 家 ， 女 職 員 即 時 落 淚 ， 還 要 勉 強 解 釋 ， 卻 被 罵 得 更 厲 害 ， 最 後 女 職 員 即 時 辭 職 。
內 憂
1. 上 班 唔 俾 飲 水
在 烈 日 當 空 的 工 作 期 間 ， 員 工 竟 然 不 可 飲 水 ， Mandy 說 ： 「 經 理 向 我 們 說 ， 為 了 保 持 迪 士 尼 的 形 象 ， 我 們 絕 不 可 在 客 人 面 前 飲 水 。 這 簡 直 是 罔 顧 員 工 的 健 康 ， 於 是 我 們 只 可 偷 偷 將 水 放 在 隱 蔽 處 ， 沒 有 人 時 才 快 快 飲 兩 啖 。 」 經 多 番 爭 取 後 ， 員 工 現 已 可 攜 水 樽 開 工 ， 但 飲 水 時 仍 是 偷 偷 摸 摸 ， 不 可 讓 遊 客 看 見 。
其 實 香 港 迪 士 尼 有 四 個 遊 樂 區 （ 美 國 小 鎮 大 街 、 明 日 世 界 、 幻 想 世 界 和 探 險 世 界 ） ， 共 約 五 千 名 職 員 ， 但 只 得 兩 個 員 工 休 息 室 ， 而 且 每 個 休 息 室 只 得 三 、 四 百 呎 ， 冇 電 視 機 、 冇 收 音 機 、 冇 播 音 樂 、 冇 水 果 、 冇 茶 包 ， 雪 櫃 同 微 波 爐 亦 只 有 一 個 。
阿 Mic 說 ︰ 「 同 事 為 了 慳 錢 都 會 帶 飯 食 ， 結 果 雪 櫃 日 日 爆 滿 ， 排 隊 用 微 波 爐 要 等 成 廿 分 鐘 ， 我 們 每 日 工 作 超 過 八 小 時 才 有 一 段 四 十 五 分 鐘 長 的 食 飯 時 間 ， 另 加 兩 段 各 十 五 分 鐘 的 休 息 時 間 。 基 本 上 ， 實 際 進 食 時 間 不 太 多 。 而 且 食 得 午 餐 便 不 能 食 晚 餐 ， 肚 餓 便 要 趁 十 五 分 鐘 的 休 息 時 間 ， 吃 自 備 的 乾 糧 充 飢 。 」
2. 縮 骨 盡 量 冇 O.T.
「 好 多 同 事 都 頂 唔 順 工 作 時 間 長 ， 每 日 要 返 十 至 十 二 個 鐘 頭 （ 朝 九 晚 九 ） ， 一 星 期 返 六 日 ， 晚 晚 放 工 都 辛 苦 到 要 死 ， 月 薪 只 得 九 千 元 ， 沒 雙 糧 、 沒 花 紅 ， 每 年 七 天 大 假 ， 原 本 諗 住 做 迪 士 尼 係 因 為 貪 佢 大 機 構 、 福 利 好 ， 升 職 機 會 多 ， 而 家 都 唔 知 為 乜 要 做 落 去 ？ 」
一 般 員 工 每 月 做 超 過 195 個 小 時 便 會 有 O.T. 錢 ， 計 法 是 將 月 薪 除 195 再 乘 O.T. 鐘 數 ， 月 薪 九 千 ， 即 每 小 時 約 四 十 六 元 ， 但 阿 Mic 說 ： 「 迪 士 尼 好 精 ， 只 要 員 工 達 到 195 小 時 ， 便 叫 他 放 假 。 我 試 過 有 一 日 收 工 係 第 193 小 時 ， 上 司 就 叫 我 跟 住 幾 日 都 唔 使 返 工 ， 直 至 下 個 月 一 號 。 」
Mandy 還 大 爆 迪 士 尼 管 理 十 分 low tech ︰ 「 現 時 員 工 上 落 班 都 是 用 人 手 簽 走 簽 到 ， 簽 完 還 要 找 經 理 簽 名 確 認 ， 在 美 國 的 時 候 ， 都 是 用 電 腦 sign in/out ， 準 確 又 省 時 。 員 工 還 可 以 在 電 腦 自 行 輸 入 要 不 要 OT 及 選 擇 OT 的 時 間 ， 不 會 像 香 港 迪 士 尼 強 迫 員 工 OT 。 」
3. 員 工 分 做 兩 黨
美 國 迪 士 尼 的 傳 統 ， 是 崇 尚 無 分 彼 此 的 無 階 級 觀 念 ， 所 有 員 工 都 是 演 藝 人 員 ， 沒 有 上 下 級 之 分 ， 可 是 這 套 思 想 來 到 香 港 卻 面 臨 崩 潰 。
「 香 港 迪 士 尼 的 階 級 觀 念 嚴 重 ， 一 些 部 門 經 理 是 來 自 醫 管 局 、 醫 院 管 理 層 、 地 鐵 公 司 、 機 管 局 等 ， 他 們 和 組 長 都 未 受 過 美 國 迪 士 尼 的 訓 練 ， 不 太 願 意 接 受 迪 士 尼 的 管 理 文 化 ， 入 職 後 亦 沒 有 這 方 面 的 培 訓 ， 故 毫 無 幽 默 感 。
「 對 我 們 這 些 受 過 訓 的 低 層 員 工 不 斷 責 罵 ， 人 龍 分 配 有 少 少 問 題 又 會 鬧 ， 去 多 幾 次 洗 手 間 又 鬧 ， 成 日 指 東 指 西 ， 鍾 意 擺 款 ， 尤 其 鍾 意 當 我 們 這 些 去 過 美 國 受 訓 的 文 化 大 使 （ 共 500 人 ） 係 奴 隸 ， 去 美 國 只 係 玩 。 」
每 年 四 月 香 港 迪 士 尼 都 會 為 員 工 的 工 作 表 現 評 分 ， 繼 而 有 升 職 加 薪 機 會 ， 但 阿 Mic 說 ， 想 升 職 便 要 「 勁 落 鞋 油 」 。 「 平 時 又 懶 、 對 客 人 態 度 又 差 ， 反 而 有 得 升 職 ， 全 因 他 們 跟 那 些 經 理 、 組 長 一 樣 ， 都 是 沒 去 過 美 國 受 訓 的 員 工 ， 他 們 便 成 為 了 一 黨 ， 與 我 們 分 成 兩 派 。 」
阿 Mic 和 Mandy 均 與 迪 士 尼 之 間 還 有 半 年 合 約 在 身 ， 必 須 等 到 今 年 十 二 月 尾 才 可 離 職 ， 否 則 要 賠 償 到 美 國 受 訓 的 機 票 費 用 一 萬 多 元 ， Mandy 惟 有 繼 續 強 忍 ， 不 過 阿 Mic 卻 不 然 ： 「 我 已 經 搵 緊 工 ， 搵 到 工 就 會 辭 職 ， 就 算 要 我 賠 萬 幾 蚊 都 要 走 ！ 」

■ 玖月拾肆日

機戰J尋日出左ROM

據聞呢集係機戰係GBA o既告別作,今次各戰體o既動作都比之前係GBA o既系列細緻好多,就連家用機系列獨有既搖乳都有…

不過見呢排成績唔太好,加上尋晚通知一個機戰狂朋友(成績比我好)出左,點知佢居然話唔玩,過埋個AL先掂……

真係要自己反省下…所以我都決定唔玩住!

■ 玖月拾參日(加FF7AC)

太耐冇運動,尋日跑圏同打羽毛球,今朝一起身成身赤赤痛…

尋晚掛住睇FF7AC,搞到冇讀書,套野係幾好睇,畫面靚就更加唔駛講,今次o既對手係三個戀母狂…

講佢地四圍搵”媽媽”,仲叫Cloud做”哥哥”…

佢地所指o既媽媽係古代種所指”從天而降的災難” - Jenova

而佢地叫Cloud做”哥哥”係因為佢身上都擁有Jenova o既細胞

原來Sephiroth係兩年前雖然被Cloud打敗,但係佢o既怨念仲未消失

三個戀母狂為左令Sephiroth復活,於是就四圍搵Jenova o既身體黎”結合”

最後雖然Sephiroth真係復活左,但係又再被Cloud打敗

所有患有”星痕症候群”都俾”生命之泉”o既泉水醫返好,算係大團完結局

打鬥o既場面精彩,不過略嫌誇張,成班主角打起上黎仲勁過龍珠入面d超級撒亞人

Cloud雖然已經轉左行做運輸,不過完全係神人,雙刀擋/劈子彈,一路楂電單車一路同三條友互片,飛上天斬死大自己幾十倍o既召喚獸…最後俾人偷襲心臟中鎗都居然死唔去…

以下圖片可點擊放大

三名戀母狂:Yazoo,Kadaj,Loz

“從天而降的災難” - Jenova

神羅社長Rufus居然大難不死?

Cloud的新武器,可以合體/分體的大刀

Cloud對召喚獸

原來Cloud都患上”星痕症候群”…

片翼之天使 - Sephiroth

Aeris的微笑

■ [050913]欣宜扮白雪公主慘收171投訴

■ 御宅族頭髮 專屬「女傭」打理

電車男所帶來的效應嗎?居然開了間針對宅們喜好的理髮店……

御宅族頭髮 專屬「女傭」打理

東京出現針對御宅族開設的髮廊，美髮師身穿黑色迷你裙，腰間繫圍裙，頭上戴蕾紗帽，以女傭裝扮替客人打理門面。
法新社

【編譯楊清順／法新社東京七日電】