艾力@mocasting
2005年10月28日
■ 拾月貳拾捌日
返來喇,個field trip比想像中好玩好多,話咁快就過左3日.
每日都係食完早餐=>講解=>lunch=>出外考察=>lab works=>一個鐘頭break=>晚飯……
晚飯之後第一晚本來話要quiz,點知又唔駛測住,呀sir仲請我地飲野tim.十點零鐘就開始成班圍住部notebook黎睇星爺套”回魂夜”,十二點左右睇完,之後再睇呀sir拎黎o既”地心浩劫”(佢之前成日係physics堂講套野),睇到成兩點先訓.
到第二晚呀sir仲買埋生果籃入黎,有生果食.本來又係話要quiz,不過再次因為”群眾壓力”搞到再推到星期一先測,改左做8:00開始補一個鐘頭physics.七點鐘食完飯之後打左半個鐘網球加篤左幾個字波,成班人都玩到過哂鐘,搞到成8:15分先正式開始補.9:30補完,再去沖涼,之後呀sir請我地食宵夜,之後同兩個同學出左外面散步,因為第三日要做presentation,以為成班同學都好努力咁準備,點知散完步返黎見到成班都娛樂緊,一組用部notebook黎打機,一組用部野黎睇full metal panic,呀sir仲同幾個同學打緊麻雀……過左一陣就差唔多全班個左隔黎房睇幽靈刺客3,睇到成點幾先訓,不過我果組有幾個同學戲都唔睇就一早訓左,成晚都冇講個presentation d野.
今朝我個team人全部都訓到差唔多食早餐先起身,食完野做埋幾個實驗之後差唔多11:30,拿拿聲開始準備presentation d野,傾左一陣之後全班lunch叫pizza食,最後果個零鐘用部超慢又間唔鐘load唔到野o既notebook(學校借d機,好似得56mb ram),小弟完成左個超爛o既powerpoint(時間真係太趕,冇時間打咁多野,d data都費事打入去,直接用dc影份資料放入個powerpoint度,就連排版同效果都整唔切.)再靠幾個同學即場爆肚搞掂個presentation,好好醜醜都叫做完個project……除左一組個powerpoint幾乎冇圖,由頭到尾都係黑底白字,仲有太多dead air之外,其他組(包括另外兩間學校)個presentation到做得好好,有d powerpoint仲用photoshop黎畫圖/執相.完成所有presentation之後,五點鐘左右就解散,出到外面另外兩間學校d人已經排哂隊等車,我地全班就決定行落山先,最後行到去荃灣地鐵站撘地鐵再轉巴士返屋企.
感想:成個field trip d野都唔難做,係有d累,不過唔辛苦.而且玩o既時間好似多過平時,又輕鬆過返學,又晚晚煲片,搞到個field trip似渡假營多過係為左AL而去……而且呀sir對我地真係幾好,知我地冇mood測驗就唔測住,仲請我地食幾次野tim.咁樣玩做左幾日,返左屋企黎反而覺得有d悶.
Posted in: 日記 |
按此回應 | 回應的RSS | 引用通告(1)| 
(0)
2005年10月25日
■ 拾月貳拾伍日
人民英雄,就快坐監都仲咁氣定神閒……
聽日入camp,星期五晚先返,不過估唔到連去宿營都要測physics同補課……(教physics個呀sir呢幾日都會日頭返學校教書,夜晚去個營補課/觀星/quiz)
http://www.metroradio.com.hk/real-radio/archive_media.php3?/popup/showbiz/bananaclub1/20051017a.wma
轉自友人Longinus個xanga,請由30分鐘開始聽,內容講個18歲o既中五會考生投訴阿媽減零用錢,其實係由每日$500(冇錯,係每日$500,即係萬四蚊一個月)減到每日$300,問佢點洗佢話成日請同學食野,再講下未來o既生活,最後俾兩名主持串死……不過我都覺得一個中學生唔駛返工都有$500/日真係幾離譜,最少$500已經係我成個月o既零用……
Posted in: 日記 |
按此回應 | 回應的RSS | 暫時未有引用通告| (0)
2005年10月24日
■ 拾月貳拾肆日
不……不會吧!?我的理想職業居然係神?
星期三個field trip要入camp,三日兩夜,自從小六夏令營之後都未試過要離開屋企過夜(除左同屋企人一齊返鄉下/去旅行),仲要同成班同學住埋一齊,有d唔慣.而且今次要去紅樹林考察,有勁多我最怕o既軟體動物(例如田螺,蝸牛果類……)忽然間好唔想去個camp……
Posted in: 日記 |
回應(1) | 回應的RSS | 引用通告(6)| (0)
■ [051024]「古惑天皇」侵權罪成
「古惑天皇」侵權罪成[11:16]
2005/10/24
以「古惑天皇」作網名的被告陳乃明。(明報資料)
全球首宗涉嫌利用BT技術網上發放電影的侵權案被告陳乃明，被判罪名成立，押後判刑。
以網名「古惑天皇」的陳乃明(38歲)被控3項違反《版權條例》罪名。裁判官裁定他罪名成立，押後至11月7日判刑，要求感化報告，被告獲准保釋外出。
裁判官指出，被告的行為明顯是發放的行為，不單只是將侵權資料放在電腦中，如沒有被告的配合，其他人是不能下載侵權資料。裁判官指出，雖被告沒有獲得實質金錢利益，但對版權持有人造成損害，他強調，雖要求感化報告，但仍可判被告入獄的。
陳乃明於本年1月於屯門寓所，利用BT技術，上載3齣侵權電影《夜魔俠》、《選美俏臥底》和《宇宙深慌》，供網友下載，被海關揭發。
【案件編號﹕TMCC1286/2005】
Posted in: 新聞(?) |
按此回應 | 回應的RSS | 暫時未有引用通告| (0)
2005年10月23日
■ 拾月貳拾參日
勁無喱頭o既一段片……
酒店風雲 x star wars x 頭文字D x Gundam Seed Destiny
http://www.zippyvideos.com/5983434141724566/c01/
http://216.86.155.55/videos/0/172456_2e38b_256k.wmv
朝早睇返無線套gundam seed#49,真係好睇過denstiny尾段好多,至少最尾唔會特登用幾集黎回憶回憶再回憶……
中午果餐試下用之前買落o既納豆黎餸粥食,點知又ok喎,至少好食過之前就咁餸飯食.
之後下晝出左部手機,自己對手機冇乜特別要求,用黎打到電話就得.本來因為部haier m100 個外形唔錯加上細部所以想買呢部,但係再同其它幾百蚊o既機款比較下又好似麻麻地,最後都係揀左部Sony Ericsson j300i.
Posted in: 日記 |
按此回應 | 回應的RSS | 暫時未有引用通告| (0)
2005年10月22日
■ 拾月貳拾貳日
日本祭……
估唔到會係維園搞呢d活動,唔怕維園阿伯同一眾反日人仕過來搞事嗎?
http://www.jnto.go.jp/chc/matsuri/chi/index.html
今日又係好晏先起身,中午出左將軍澳放左個二胡係姑姐屋企等姑丈整.坐到五點半左右就返屋企,咁就一日……
Posted in: 日記 |
按此回應 | 回應的RSS | 暫時未有引用通告| (0)
■ 薔薇乙女#1
動畫第二部叫Rozen-Maiden traumend,今集講純雖然未正式返學,不過都開始脫離隠蔽青年o既生活.而真紅就因為擊敗水銀燈而一直耿耿於懷,係偶然o既機會之下遇到水銀燈o既rose mystica,就跟住佢入左水銀燈o既領域,而且係果度遇到Rozen-Maiden第七人偶-薔薇水晶……
同前作風格好大分別o既opening
同第一輯一樣一開始就回憶返幾好耐之前o既事,呢個男人應該係Rozen Maiden系列o既製作者
雖然冇上堂,不過純都唔再好似以前咁做家裏蹲
雛莓同翠星石一如以往亙有惡作劇
真紅夢中出現的水銀燈
令真紅發惡夢的兔子
薔薇乙女第七人偶-薔薇水晶
Posted in: 動畫與漫畫, ACG相關 |
回應(1) | 回應的RSS | 暫時未有引用通告| (0)